Revolving txartelak ordainketa malgu gisa zabaldu dira, hileko kuoten bidez erosketak geroratzeko aukera ematen baitute. Hala ere, finantza-produktu honek arrisku handiak izan ditzake kontsumitzaileentzat, bere baldintzak ondo ezagutzen ez badira.
Beste txartel batzuekin alderatuta, revolving txartelek kreditu-lerro iraunkor baten moduan funtzionatzen dute: erabiltzaileak dirua pixkanaka itzultzen du, baina muga berritzen da ordaintzen den heinean. Horrela zorra kontrolpean dagoela ematen du, baina, benetan, urteetan luzatu daiteke.
Arazo nagusietako bat da hileko kuotak txikiak izan ohi direla, baina aplikatzen diren interes-tasak handiak direla. Horren ondorioz, hilero ordaintzen denaren zati handi bat interesetara bideratzen da, eta ez zorra amortizatzera; beraz, zorra ia ez da jaisten.
Gainera, zorra dagoen bitartean txartelarekin erosketak egiten jarraitzen bada, saldoa mantendu edo are handitu daiteke, eta zailagoa izan daiteke zorra kitatu ahal izatea. Kasu askotan, kredituaren kostu osoa hasieran erabilitako dirua baino askoz handiagoa izaten da.
EHKBtik gomendatzen dugu baldintzak arretaz aztertzea horrelako txartelak kontratatu aurretik, bereziki interes-tasa, hileko kuota eta itzultzeko aurreikusitako epea. Kuota handiagoak aukeratzeak zorra lehenago kitatzeko eta azken kostua murrizteko lagundu dezake.
Erabaki informatua hartzea funtsezkoa da gehiegizko zorpetzea saihesteko.