Hemen zaude

Hasiera / Gaurkotasuna

Kontsumoak ia milioi bat euro bideratuko ditu jokoaren arriskuak ikertu eta sahies aldera

Osteguna, Uztaila 2, 2026
Gizarte Eskubideen, Kontsumoaren eta 2030 Agendaren Ministerioak 950.620 euroko dirulaguntza-deialdi berria egin du, jokoarekin lotutako arriskuak prebenitu eta detektatzera bideratutako ikerketa-proiektuak finantzatzeko. Jokoaren Antolamendurako Zuzendaritza Nagusiak kudeatuko ditu laguntza horiek, eta ikerketa-zentro publiko zein pribatuei zuzenduta daude. Laguntzak norgehiagoka bidez emango dira.

Deialdiaren helburua da jokoak eragindako nahasmenduak hobeto ezagutzeko, arrisku-jokabideak garaiz identifikatzeko eta pertsonen osasunean eta ongizatean izan ditzaketen ondorioak prebenitzeko tresna eraginkorrak garatzeko ikerketak sustatzea. Horrela, ezagutza zientifikoa indartu eta arlo horretako prebentzio-politika publikoak hobetzea bilatzen da.

Proiektuak ekainaren 22ra arte aurkeztu ahal izango dira Jokoaren Antolamendurako Zuzendaritza Nagusiaren egoitza elektronikoaren bidez, eta 2027ko ekainaren 30a baino lehen gauzatu beharko dira. Ekimen honen bidez, Ministerioak berriro berretsi du jokoarekin lotutako arriskuen aurrean ikerketaren eta pertsonen babesaren alde duen konpromisoa.

"Consumo convoca subvenciones de cerca de un millón de euros para investigar y prevenir los riesgos derivados del juego" - Ministerio de Derechos Sociales, Consumo y Agenda 2030.