ETIKETA ZALANTZARAKO BIDERIK GABE

ETIKETA ZALANTZARAKO BIDERIK GABE

Herritarrek eskuratzen eta kontsumitzen dituzten elikagaiei buruz informazio zehatza jasotzeko eskubidea bermatu dadin, beharrezkoa da elikagaien ezaugarriak ezagutzera ematea, etiketen bitartez azalpen zehatz eta egiazkoa emanez. Informazioa da kontsumitzaileen aukerarik onena eta etiketa informazio-iturri nagusia.

Zer esan behar du

Etiketak produktuaren inguruko datu baliagarri ugari eman behar dizkio kontsumitzaileari: eskuratu duen elikagaiari buruzko informazioa ematen dio eta, horrela, bere gurari eta eskakizunen arabera aukeratzea ahalbidetzen dio. Horretarako, argia eta ulergarria izan behar du, eta nahitaezkoa da egia esatea.

- Etiketak hauxe adierazi behar du:

Beti:

- elikagaiaren izen edo izendapena.

- Europar Batasunean helbidea edukiko duen ekoizle, ontziratzaile edo saltzailearen izena eta helbidea

Kasu gehienetan:

- osagaien zerrenda.

- eduki garbia (bolumena edo pisua).

- ahal dela kontsumitu beharreko data edo iraungipen-data.

- fabrikazio-lotea.

Batzuetan (produktuaren arabera):

- kontserbazio-baldintza bereziak.

- erabiltzeko modua.

- nutrizio-etiketa (elikadura-ezaugarriak).

Nola interpretatu etiketa

Produktuaren izena

Honelakoa izan daiteke:

- Europako arau baten arabera ematen zaion izena (txokolatea, zukuak...),

Espainiako araudiak (turroia, olibak, gozokiak...), araurik ez badago, erabilerak ospetsu egin duen izena (fabada, eltzekoa...) edo produktuaren deskribapen bat.

Noiz edo noiz, betiere kontsumitzailearentzat nahasgarri ez bada, jatorrizko herrialdean produktu hori ekoiztean eta merkaturatzean erabilitako izena erabiltzea onartuko da.

Osagaien zerrenda

Elikagaia prestatzeko orduan erabilitako lehengai eta gehigarrien zerrenda

beheranzko hurrenkeran, gehien erabiltzen denetik hasita.

Eduki garbia

Honela agertu behar du:

- Likidoetan: bolumenaren unitatea (litro, zentilitro...).

- Solidoetan: pisuaren unitatea (gramo, kilogramo...).

Daten adierazpena

- Iraungipen-data: Nahitaezkoa da produktu oso galkorretan, eguna eta hilabetea adierazita. “Iraungipen-data...” (og/SEP). Adierazitako egunaren biharamunetik debekatua dago saltzea eta ez da kontsumitu behar.

- Data hau baino lehen kontsumitu: produktuaren ezaugarri guztiak

zein egunetaraino bermatzen diren adierazten du.

Lotea

Produktu baten salmenta-unitateen multzoa, baldintza homogeneoetan ekoitzi eta ontziratu dena.

Erabilera: osasunarentzat arriskuren bat igarriz gero, lotearen zenbakia adierazteak eragindako produktu hori topatzea eta merkatutik ezabatzea ahalbidetzen du.